HIZTEGIA

HEMEN DUZUE IKASI DUGUN HIZTEGIA,ABESTIAK ETA OLERKIAK.

Open publication - Free publishing - More udazkena

GAZTAINA ERREKETA

URTERO EGITEN DEN MODUAN, AURTEN ERE GAZTAINA ERREKETA ANTOLATU DUGU. LAU ETA BOST URTEKOEK FESTA OSO POLITA ESKEINI DIGUTE. GOIZEAN, GAZTAINAK NOLA ERRE AZALDU DIGUTE. ARRATSALDEAN, DENAK ELKARTU GARA ETA DANTZA EGITEN ZUTEN BITARTEAN, GAZTAINAK DANBOLINEAN EGIN DITUZTE. SUA EGITEKO GARAIAN, GUK ERE LAGUNDU DUGU. SORPRESA BAT ERE, IZAN DUGU TRIKU, ESKOLAKO MASKOTA ,AGERTU DA ETA BATZUK BELDURTU BADIRA ERE, OSO ONDO PASATU DUGU. BUKAERAN, PAPEREZKO KUKURUTXOETAN GAZTAINAK SARTU ETA PROBATU, A ZE GOZOAK!!!

TTANTTO AURKITU DUGU

SANTA BARBARARA AUTOBUSEZ JOAN GARA.EGURALDI EZIN HOBEA IZAN DUGU ETA GOIZ OSOA HOSTOAK,PINABURUAK, PERRETXIKUAK, GAZTAINAK, EZKURRAK, MAKILAK .... BILTZEN EGON GARA. BAPATEAN, HOSTO BATZUEN ARTEAN TTANTTO AGERTU ZAIGU. A ZE POZA GURE LAGUNTXOA AURKITZEAN!!!

OSTEGUNEAN SANTA BARBARA JOANGO GARA

TTANTTOREN GONBIDAPENARI KASU EGITEN OSTEGUNEAN SANTA BARBARA JOANGO GARA.ASPALDIK EZ DUGU IKUSI; EA SUERTE DUGUN ETA MENDIAN TOPATZEN DUGUN.

HONA HEMEN,TTANTTOREN GUTUNA:

Kaixo, laguntxoak!

Hemen nauzue berriro! Jakin dut, bai, aurreko egunetan etxeko bazterrak miatzen ibili zaretela, logela dela, egongela dela, komuna dela... Baina, egun hauetan, ba al dakizue nire etxea ezagutuko duzuela? Nire etxea, bai, mendia baita nire etxea. Eta ni oso pozik jarri naiz eta gainera harro nago zuei nire bizilekua erakusteaz. Ni bezala, mendian animalia eta landare eder asko bizi da, denon artean egiten dugu mendia ederra eta denon artean zaintzen dugu, zuek zeuen etxea bezalaxe. Guri, mendiko animalia eta landareei gustatzen zaigu zuek bezalako haurtxoak gu ikustera etortzea, baina batzuetan ez, batzuetan haserretu egiten gara. Eta ba al dakizue zergatik? Begira, kalekume lotsagabe batzuk, mendira etortzen direnean, guztia zikintzen baitute: gusanitos poltsak lurrera bota, ogitartekoa biltzeko papera ere bai, edari latak handik, txupatxus paperak hemendik, dena zerri eginda uzten dute gure bizileku maitea. Baina lasai, nik badakit zuek neska-mutil jatorrak zaretela eta gure etxea zainduko duzuela.

Beraz, gonbidatuta zaudete bisitatxo bat egitera, ea aurkitzen nauzuen ! Ikusi arte.

TTANTTO

KAMAMILA

DATORREN URTERAKO EGUTEGIKO GAIA "SENDABELARRAK" DA. HORREGATIK ASTE HONETAN SENDABELARRAK LANDU DITUGU. GURI KAMAMILA TOKATU ZAIGU ETA LORE HONI BURUZ ASKO IKASI DUGU.  INFUSIO BAT EGIN DUGU ETA BENETAN GOXOA ZEGOEN!!!!

TXANO GORRITXOAREN ABESTIA

HONA HEMEN, IKASTEN ARI GAREN ABESTIA:

TXANOGORRITXO KANTARI DOA,

TIPI-TIPI-TAP PAUSOA (BIS)

ILUN-ILUNA DAGO BASOA,

BADATOR OTSO GAIZTOA.

HANDIAK DIRA ZURE BEGIAK,

HANDIAK BI BELARRIAK.

HANDIAK DIRA ETA ZORROTZAK

AHOAN DITUZUN HORTZAK.

ZU HOBETO TXIKITZEKO DIRA,

EZ EGON NIRI BEGIRA!

BAINA IPUINA EZ DA AMAITU,

ZEUK NAHI AL DUZU JARRAITU?

TXANO GORRITXO

GAI HONETAN TXANO GORRITXOREN IPUINA LANTZEN DUGU:
1.-BEHIN, ESAN ZION AMAK TXANOGORRITXORI:
—HARTU OTARRE HAU ETA ZOAZ AMONARENGANA.
2.- EGURGILE BATEK ESAN ZION KONTUZ IBILTZEKO OTSOAREKIN.
3.- OTSOA AZALDU ZITZAION TXANOGORRITXORI. ETA AMONA NON BIZI ZEN GALDETU ZION.
4.- OTSOA KORRIKA JOAN ZEN AMONAREN ETXERA.
5.- AMONA OHEAN ZEGOEN ETA OTSOAK, KRIS-KRAUS, JAN EGIN ZUEN.
6.- AMONAREN ARROPAK JANTZI ETA OHEAN SARTU ZEN OTSOA.
7.- OTSOAK ESAN ZION TXANOGORRITXORI OHETIK:
—SARTU BARRURA, UME!
8.- OTSOAK OHETIK SALTO EGIN ZUEN TXANOGORRITXO JATEKO ASMOZ.
9.- TXANOGORRITXOK IHES EGIN ZUEN OTSOA ATZETIK ZUELA.
10.-BAINA EGURGILEAK OTSOA AKABATU ETA AMONA BIZI-BIZIRIK ATERA ZUEN HAREN SABELETIK.

 EA PUZZLEA EGITEN DUZUEN.

6 TXANO GORRITXO

UDAZKENA

GAI BERRIA HASI GARA: UDAZKENA.