GULLIVER LILIPUTEN

GULLIVER LILIPUTEN

1.- Gulliver itsasontzi handi batean zihoan, eta itsasontzi hura hondoratu egin zen.

2.- Gulliver, igerian, hondartza batera heldu zen. Oso nekaturik zegoen eta lo geratu zen bertan.

3.- Esnatu zenean, gorputz osoa sokaz lotuta zeukan Gulliverrek.

4.- Milaka gizaki txiki zituen inguruan. Gizaki txiki haietako bat aldamio batera igo zen.

5.- –Hau Liliput da eta ni hemengo erregea naiz. Askatzea nahi baduzu, gure laguna izan behar duzu –esan zion gizontxoak aldamiotik.

6.- –Zuen laguna izango naiz –esan zuen Gulliverrek.

Eta gizaki txiki haiek askatu egin zuten.

7.- Gulliver goseak zegoen, eta gizaki txiki haiek eraman zioten guztia jan zuen.

8.- Liliputarrak gerran zeuden aurreko uhartekoekin. Eta esan zioten Gulliverri milioi bat aldiz gutxienez:

– Erraz irabaziko genuke gerra zuk lagunduz gero...

9.- Gulliverrek armak eta gerraontziak lapurtu zizkien aurreko uharteko biztanleei.

10.- Gero txalupa handi bat egin zioten liliputarrek Gulliverri. Eta txalupa hartan itzuli zen Gulliver bere etxera.

ARTZAIN GEZURTIA

SAN JUAN SUA

IKASTURTEA BUKATZEKO SAN JUAN SUA PRESTATZEN ARI GARA. MARIPERTXENTA IPUINA LANDU DUGU. MARIPERTXENTA 1.- Sorginzulo izeneko zulo batean, hamar sorgin bizi ziren elkarrekin. Txintxoena Maripertxenta zen, eta gaiztoena Sorginputz. 2.- Maripertxenta aspertu egiten zen sorgin talde hartan, eta bakar-bakarrik oporretara joatea erabaki zuen. Goizean goiz, hiriko aireportuan zegoen. 3.- Lizarribar izeneko herriaren pare-parean jauzi egin zuen Maripertxentak hegazkinetik. Eta pianoaren hots gozoa entzun zuen. 4.- Maripertxenta Dionixio piano-jotzailearengana joan zen. Baina piano-jotzailea itsua zen, eta ezin zuen sorgina ikusi. 5.- Denbora luzean egon ziren hizketan Maripertxenta eta Dionisio. Oso lagunak egin ziren biak. 6.- Maripertxenta Dionisioren etxean geratu zen bizitzen. Eta han Lierni izeneko neskatila jator bat ezagutu zuen. Eta elkarren lagun egin ziren. 7.- Gau batean Maripertxenta ikastolan sartu zen leihotik. Eta asto-gorotzak utzi zituen andereñoaren mahai gainean. Andereñoa haserre bizian jarri zen hurrengo goizean. 8.- Behin lapurrak sartu ziren Dionixioren etxean. Eta honela esan zien Maripertxentak: – Hara hemen nire armiarma magikoa. Honek hozka egiten badizue, lo hartu eta ez zarete gehiago esnatuko. 9.- Iritsi zen ekaina eta esan zien Maripertxentak Lierni eta Dionixiori: –Nire oporrak bukatu dira. Laster, itsaso zabala gurutzatu eta Sorginzulora joan behar dut berriro. 10.- San Joan suaren inguruan dantzan ibili, eta hegan alde egin zuen Maripertxentak. Dionixio, Maripertxenta eta Lierni Dionixio, Maripertxenta eta Lierni agur esan eta banoa ni.

GAI BERRIA: ERAIKUNTZA

GAI BERRIA IPUIN BERRIA. EGUN HAUETAN IPUIN HAU LANDUKO DUGU: GALTZAGORRI LANGILEAK.

GALTXAGORRI LANGILEAK

1.- Xixilio oso gizon behartsua zen, eta zorte txarra zeukan. Behin behi bat erosi zuen, baina gaixotu eta akabatu egin zitzaion.

2.- Sorgin baten etxera joan zen Xixilio.

– Zungulutru, zer behar duzu? –galdetu zion sorginak.

3.- Xixiliok gertatzen zitzaiona kontatu zion sorginari. Eta esan zion sorginak:

– Zingilitri, barruan lau galtxagorri dituen orratz-ontzia erosi.

4.- Xixilio Baionaraino joan zen galtxagorriak erostera, eta urrezko diruz ordaindu behar izan zituen.

Erosketa egin ondoren, pozik itzuli zen etxera.

5.- Etxera joan zenean, honela esan zien Xixiliok galtxagorriei:

– Erein garia, ekarri teilak, konpondu teilatua...

6.- Azkar egin zuten lana galtxagorriek.

– Zer agintzen duzu? –galdetu zioten gero nagusiari.

Eta Xixiliok etxola bat egiteko agindu zien.

7.- Oso azkar egiten zuten lana galtxagorriek. Eta galdetzen zioten nagusiari:

– Txitxirio-barbantzu, zer lan agintzen duzu?

8.- Baina Xixiliok ez zekien zer gehiago agindu. Lan denak eginda zeuden.

Orduan, galtxagorriak urduri jarri ziren.

9.- Galtxagorriak ezin ziren geldi egon.

Lehen egindako lan guztiak atzekoz aurrera egiten hasi ziren: gari haziak atera, teilatutik teilak kendu, hormak puskatu, zubia desegin...

10.- Errekako ura bahean ekartzeko agindu zien Xixiliok.

Orduan, galtxagorriak desagertu egin ziren eta lasaitu ederra hartu zuen Xixiliok.

Goazen gu jolasera!
Galtxagorriak etorriko dira lanera!

IPUINA

IPUINA: BABARRUN ALE MAGIKOAK

HONA HEMEN LANTZEN ARI GAREN IPUINA:
1.-  Andoni izeneko mutiko bat baserrian bizi zen bere amarekin bakar-bakarrik. Ez zeukaten behi bat besterik. Oso behartsuak ziren.  
Behin, amak esan zion Andoniri:  
– Gastatu zaizkigu diru guztiak. Eta badakizu dirurik gabe ezin dela erosi, ez janaririk, ez jantzirik eta ez ezer. Zerbait egin beharrean gaude.  
– Zergatik ez dugu gure behi pinttoa saltzen, ama? –galdetu zion semeak amari.  
– Bai, Andoni, neuk ere horixe pentsatu dut. Sal ezazu, ba, behia eta ea ekartzen duzun diru pixka bat etxera.
2.-  Andoni bere behi pinttoa sokatik zuela irten zen etxetik, eta bidean gizon batekin topo egin zuen. Eta harixe saldu zion behia. Baina gizonak ez zion dirurik eman, eskukada bat babarrun baizik.  
Andoni etxera joan zenean, eta amari nolako tratua egin zuen kontatu zionean, oso haserre jarri zen hau, eta gogor egin zion errieta:  
– Tontolapikoa, halakoa! Babarrun ale zikin hauen truke saldu al duzu behia? Ez nuen uste hain seme inozoa neukanik! Ez diru eta ez behi geratu gara orain.  
Eta, amorru biziz, amak leihotik behera bota zituen semeak ekarritako babarrun aleak.
3.-  Baina babarrun ale haiek magikoak ziren. Erne eta zeruraino hazi ziren gauean. Eta hurrengo goizean, Andoni, babarrun landare erraldoi haietan gora igo zen. Eta ordu asko iragan ondoren, gaztelu bat aurkitu zuen hodeien gainean.
4.-  Gazteluko atean emakume bat zegoen, eta esan zion Andonik:  
– Ez zaitut ezagutzen, baina mesede bat eskatu behar dizut. Goseturik nago eta emadazu zerbait jateko.  
– Bai, mutiko. Emango ez dizut, ba? Zatoz nirekin barrura!
5.-  Emakume hura oso ona zen. Sukaldera eraman eta platerkada handi bat babarrun eman zion jateko Andoniri. Jaten ari zen bitartean, esan zion emakumeak:  
– Aizu, hau Erraldoi Handiaren etxea da. Eta hark hemen ikusten bazaitu, preso hartuko zaitu. Jaten duzunean, hemendik alde egitea duzu onena.
6.-  Baina beranduegi zen handik alde egiteko. Orduantxe entzun ziren Erraldoi Handiaren pauso hotsak. Sukaldera zetorren. Emakumeak, orduan, azkar eta presaka, labean ezkutatu zuen Andoni, Erraldoi handiak ez ikusteko.
7.-  Erraldoi Handia mahaian eseri zen eta hamar platerkada babarrun jan zituen. Gero, urrezko txanponez betetako poltsa bat hartu eta haiek kontatzen hasi zen. Baina dirua kontatzen ari zela, loak hartu zuen.  
Andonik, labetik, Erraldoi Handia lo zegoela ikusi zuen.
8.-  Orduan, labetik irten, urrezko txanponez betetako poltsa hartu eta ihesi abiatu zen Andoni. Baina korrika eta presaka zihoala, muturrez aurrera erori zen. Diru hotsa entzutean, Erraldoi Handia esnatu egin zen eta Andoniri atzetik jarraitu zion.
9.-  Baina laster jaitsi zen Andoni babarrun landare haietatik behera. Gora begiratu eta lurretik ikusi zuen Andonik erraldoia nola zetorren goitik behera. Orduan, korrika etxean sartu, aizkora bat hartu eta, kris-kras, babarrun landareak ebaki zituen. Erraldoi Handia, ziplo!, lurrera erori eta bertan lehertu zen.
10.-  Andonik hartu zuen orduan diru poltsa, joan zen amarengana eta esan zion:  
– Hara hemen nahiko diru, ama. Aurrerantzean ez da izango goserik gure etxean.  
Esaten dute, handik aurrera, Andoni eta bere ama oso zoriontsu bizi izan zirela.

Eta haiek zoriontsu bizi izan baziren,
gu ere halaxe bizi gaitezela.

IPUINA

GULLIVER LILIPUTEN

1.- Gulliver itsasontzi handi batean zihoan, eta itsasontzi hura hondoratu egin zen.
2.- Gulliver, igerian, hondartza batera heldu zen. Oso nekaturik zegoen eta lo geratu zen bertan.
3.- Esnatu zenean, gorputz osoa sokaz lotuta zeukan Gulliverrek.
4.- Milaka gizaki txiki zituen inguruan. Gizaki txiki haietako bat aldamio batera igo zen.
5.- –Hau Liliput da eta ni hemengo erregea naiz. Askatzea nahi baduzu, gure laguna izan behar duzu –esan zion gizontxoak aldamiotik.
6.- –Zuen laguna izango naiz –esan zuen Gulliverrek.
Eta gizaki txiki haiek askatu egin zuten.
7.- Gulliver goseak zegoen, eta gizaki txiki haiek eraman zioten guztia jan zuen.
8.- Liliputarrak gerran zeuden aurreko uhartekoekin. Eta esan zioten Gulliverri milioi bat aldiz gutxienez:
– Erraz irabaziko genuke gerra zuk lagunduz gero...
9.- Gulliverrek armak eta gerraontziak lapurtu zizkien aurreko uharteko biztanleei.
10.- Gero txalupa handi bat egin zioten liliputarrek Gulliverri. Eta txalupa hartan itzuli zen Gulliver bere etxera.

Handiak lagundu behar dio txikiari
ahal duenak ezin duenari.

PELLO ARTZAIN GEZURTIA

UDAZKENA

ASTE HONETAN, GAI BERRIA HASI DUGU: UDAZKENA.

ARTZAIN GEZURTIA IPUINA LANDUKO DUGU.

1.- UDAZKENA ZEN. ETA MENDI ARTEKO HERRIXKA BATEAN, LANEAN ARI ZIREN BASERRITARRAK.

2.- HAN GOIKO MENDIAN, ERABAT ASPERTUTA ZEGOEN INAXIO ARTZAINA.

3.- –OTSOA DATORRELA... LAGUNDUUU! –ESAN ZIEN GEZURRETAN ARTZAINAK BASERRITARREI.

BAINA BASERRITARRAK KORRIKA JOAN ZIREN ARTZAINARI LAGUNTZERA.

4.- HANDIK EGUN BATZUETARA, INAXIO GEZURTIAK BASERRITARREI DEITU ZIEN BERRIRO:

–ZATOZTE LAGUNTZERA... OTSOA SARTU DA ARTALDEAN!

5.- BASERRITARRAK KORRIKA JOAN ZIREN ARTZAINA ZEGOEN LEKURA. BAINA HAN EZ ZEN OTSORIK AGERI.

6.- –INUXENTE! INUXENTE! ZAKURRAREN BUZTANA TENTE! –BURLA EGIN ZIEN INAXIO ARTZAIN GEZURTIAK BASERRITARREI.

7.- BASERRITARRAK OSO HASERRE ITZULI ZIREN BEREN LANETARA.

8.- BAINA, HANDIK EGUN BATZUETARA, OTSOA BENETAN ETORRI ZEN.

9.- INAXIO ARTZAINA DEIADARKA HASI ZEN. BAINA BASERRITARREK EZ ZIOTEN JARAMONIK EGIN.

10.- ETA ARTZAINAK NEGAR EGITEN ZUEN OTSOAK, ARDIAK JATEN ZITUEN BITARTEAN.

LAGUN ONA DA TXAKURRA
ETA LAGUN TXARRA GEZURRA.